روايه غدر حياه كامله لهبة أحمد

تشكر ياعمى الحاج السلام عليكم
نرجس فين الشيكولاتة بتاعتى
منار مع الحاجة فى الكيس نروح بس وتاخديها
نوسة الله ينور عليكى ياخالتى نفسك حلو اوى
منار دى ريحة محشى فعلا ولا انا بحلم
نوسة لا يا ماما المحشى دة ليه انا والبيبى بتاعى وبس
منار نعم دانا ممكن اقټلك
الحاجة بدرية هههه بالف هنا
نوسة دى حوت مش بنى ادمة
الحاجة بدرية الدكتور مجدى قال ليكم اية وغبتوا لية كده
نوسة الاخت دى لما عرفت انها حامل اتعصبت وقعدت تزعق وفى الاخر وحكت اللى حصل
الحاجة بدرية كل شيئ مقدر ومكتوب يابنتى تعرفى لما حسام اتخرج وجه خطب واحدة كانت طمعانة فيه عمكم ايوب وضب الشقة اللى احنا قاعدين فيها وانا وهو نزلنا الدور الارضى وبصراحة انا كنت معترضة على الزواج من ام صادق كانت ست مغرورة ومش مبطله طلبات المهم عمكم ايوب قال هو حر ربنا يسعده ويجعلها زوجة صالحة وانا سكت واتزوجوا وقعدت معاه تلات سنين كل شهر يا ڠضبانة ياتعبانة ابنى باع العربية وكمان حتة ارض عشر فدن وخلص
تمنهم عليها وابوه كل شهر كان بيعطية من معاشة وفى الاخر طلبت الطلاق فى المستشفى وكتبت تنازل عن الاولاد فى مقابل تاخد العفش والمؤخر بتاعها وانا اللى اخدت نرجس وصادق وربيتهم وابنى ياحسرة قلبى عليه سافر ونرجس عندها شهر مرجعش كل شهر يبعت مصروف الولاد وعمكم ايوب فتح لكل واحد منهم دفتر توفير وكل شهر بيحط مصروفهم اللى حسام بيبعتة ليهم فى الدفتر
نوسة يااه يا خالتى دا انتى شايله ياما
منار ربنا يطول عمرك انتى وعمى الحاج علشان الولاد الغلابة دول
الحاجة بدرية انا نفسى اخد حسام فى حضنى وحشنى كتير وبكت
الحاج ايوب السلام عليكم
منار اتفضل
يا عمى ادخل
الحاج ايوب مالك يا حاجة احمدى ربنا ان فى نرجس وصادق اهم محسسنا اننا عايشين
نوسة روقى يا خالتى و اذكرى الله
الحاجة بدرية لا اله الا الله محمد رسول الله
الكل عليه افضل الصلاه وازكى السلام
منار عمى ايوب ايه رأى حضرتك فى كلام الدكتور مجدى
الحاج ايوب كلامه عين العقل طلما انك معلش فى الكلمة دى مش معاكي ورقة رسمى تثبت انك كنتى متزوجة
منار طب والناس اللى فى المنطقة اللى احنا هنسكن فيها هنقول ليهم ايه
الحاج ايوب نوسة اكيد معاها شهادة وفاه الحاج جابر الله يرحمه وقسيمة زوجها انما انتى قولى ان زوجك مسافر وانتى هتروحى له بعد الولادة وخلى بالكم من كل كلمة تتقال
منار وبعد الولادة هنرجع هنا طبعآ انا مش هارجع شقتنا اللى فى الساعة تانى الاستاذ اشرف چارنا هيشتريها
الحاج ايوب على رأسى يابنتى انتى جدعة شوفى حد يشتريها واعملوا بتمنها مشروع او حطية فى البنك وخدى ريعة على معاش المرحوم هتعيشوا كويس
نوسة طب ممكن حضرتك تشوف حد يسكن الشقتين اللى فوق شقتنا انما الدور الارضى انا بفكر اعمله اى حاجة
منار وندفع ايجار شقة منهم للدكتور مجدى وايجار الشقة التانية تشيلة لمصاريف الولاده
الحاجة بدرية بلاش تمشوا على طول خليكم لما الناس هنا تعرف انك حامل يا نوسة وانك تعبان جامد والدكتور قال لازمك متابعة مستمرة وهتقعدى عند اختك قريب من الدكتور وعلشان تاخد بالها منك
منار انتم مرتبين كل حاجة ربنا يستركم ويحفظكم
نوسة امين يارب العالمين حاضر ياخالتى
منار معاكى رقم عمك مصيلحى ابت
نوسة انوكل مصيلحى لاع يا قلبى
الحاج ايوب انا ممكن اروح اتكلم معاه لو تحبوا
منار لا بلاش هو لو عرف اننا هنبيع الشقة ممكن يتفق مع
المشترى وياخد منه فلوس كتير ولا ممكن مصطفى يكون بيتوصل معاه انا هابقى اكلم الاستاذ اشرف المحامى يشترىها لو كان صادق فى كلامه
الحاج ايوب تمام كده راتبوا مع الحاجة بدرية على اللى هيتعمل
نوسة كان نفسى الحاج جابر يكون موجود كنا بقينا تحت ضله
منار بدموع اسفة يا نوسة انا السبب فى مۏت ابويا
الحاج ايوب دى اعمار يا بنتى ربنا يرحمه
نوسة ربنا يرحمه ربنا كبير وكريم شوفتى انا وانتى ربنا سبحانه وهب لينا الذرية من حيث لا ندرى ولا نحتسب
منار ونعم بالله العلى العظيم
الحاجة بدرية فين نرجس علشان نسيبكم ترتاحوا
منار نرجس نامت جواه سيبيها ياطنط هى معايا
الحاج ايوب يلا ياحاجة تصبحوا على خير خلوا بالكم دكتور مجدى بيكون ابن ابن عمى ومرأته بنت اخويا اطمنوا من ناحيتهم هم ناس شبعانة
منار مش فاهمة تقصد ايه بكلامك
الحاج ايوب اقصد مش هيفرق معاهم تدفعوا ايجار ولا لااا
منار الحق حق يا عمى انا الحمد لله معايا مبلغ كويس فى البنك بابا الله يرحمه كان مخلينى احط قبضى من شغلى وكمان نصيبى فى ورثى من امى
الحاج ايوب حافظى على فلوسك انتم قدامكم رحلة طويلة وصعبة ربنا يقويكم ويصلح حالكم
نوسة امين يارب العالمين ويبارك فيكم معلش شيلناكم همنا
الحاج ايوب بلاش كلامك دة يا مرأت الغالى
الحاجة
بدرية على عينى انكم تبعدو عنى بس للضرورة احكام انتم تولدو وبعد اسبوع تاجوا هنا تانى
منار بامر الله هنعمل السبوع هنا
نوسة لو هتروحى السوق ابقى فوتى علية
الحاجة بدرية حاضر وهاخد ام
صابر معانا وانتى تقول انك تعبانه من الحمل وهى هتنشر الخبر
منار هههه ام صابر دى شكلها وكالة انباء
الحاجة بدرية على قولك هى كده فعلا
الحاج ايوب يلا ياحاجة شقة الدكتور مجدى بعفشها جديد ونضيف
منار تمام تشكر ياعمى
بعد حوالى عشرين يوم قامت نوسة ومنار باغلاق شقتهم واعطاء مفتاحها للحاجة بدرية وركوب التاكسى مع الحاج ايوب لتوصيلهم الى شقة دكتور مجدى والبقاء فيها لحين ولداتهم
الحاج ايوب اتفضلوا وصلنا يلا يا حاجة معاهم وانت يا صادق تعالى نطلع الشنط
صادق حاضر يا جدى
نرجس انا هقعد معاكم ماشى
منار ياريت
دكتورة هدى مجدى الجماعة وصلوا
دكتور مجدى انا خلاص السفرة جاهزة يلا البسى حجابك
علشان نمشى
دكتورة هدى ربنا يقويهم والله اللى اسمها منار دى صعبانة عليه منه لله اللى كان السبب
دكتور مجدى لعله خير ليها محدش عارف الزمن مخبئ اية يمكن ربنا يرزقها بولد صالح
دكتورة هدى بس دة ابن مش شرعى دلولا كرم نوسة مش عارفة منار كانت هتعمل اية
دكتور مجدى ربنا هو اللى بيدبر الامور
دكتورة هدى ونعم بالله افتح الباب
دكتور مجدى اتفضلوا نورتوا الدنيا
منار السلام عليكم
دكتورة هدى وعليكم السلام اتفضلوا اهلا يا عمى ازيك ياطنط
الحاج ايوب هانزل اجيب شوية حاجات من تحت
دكتور مجدى التلاجة مليانة والمطبخ فيه خزين و
الغدا جاهز على السفرة اخلصوا البنت حنان وحشتنى
نوسة پبكاء انتم طيبين اوى ربنا يجزيكم عننا خير
دكتورة هدى هاجى كل اسبوعين اتابع معاكم وفونى انا ومجدى اهو ابقوا اتصلوا على طول
منار حاضر
دكتورة هدى هابقى اروح معاكم عيادة الدكتور انيس علشان تتابعوا معاه
منار ليه دكتور انيس طب وحضرتك
دكتورة هدى علشان مش هينفع تيجوا عندى العيادة
منار طب ليه
دكتورة هدى مش عوزة حد من المنطقة يعرف انك حامل علشان لما ترجعوا والولاد معاكم الكل يصدق انهم ولاد نوسة
منار وطت وشها فى الارض وقالت صح كلامك انا هاكون سبب مشاكل للكل
الحاج ايوب سبب مشاكل ليه الحمد لله ربنا يكمل ليكم بخير يلا يا حاجة هنمشى احنا خليكم على اتصال ديما مع الحاجة
نوسة حاضر
دكتورة هدى التلاجة مليانة وفى خزين كمان فى دلاب المطبخ عاوزين حاجة
منار ربنا يفك كربكم ويشفى بنتكم امين يارب
دكتور مجدى يارب يشفيكى ياحنان انتى واللى زيك
دكتورة هدى هنمشى احنا كمان اشوفكم على خير
وتمر الايام ومع مرورها يظهر الحمل على نوسة ومنار ويبقى الحال عند طارق زى ما هو طول الوقت مهموم وحزين وحاسس بتأنيپ الضمير
حاجة فريدة روق يا ابنى ربنا يحفظها ويلم شملك بيها
طارق يارب يا امى انا جوايا بيوجعنى اوى علشان عمرى ما كنت ظالم منها لله بنتك
حاجة فريدة هى طول عمرها كدة ورثة الحقد والغل من عمتك منى الله يرحمها
طارق نفسى انام من غير كوابيس
الحاجة فريد رد على تلفونك هروح اصلى العصر
طارق دعواتك يا ماما
الحاجة فريدة ربنا يريح بالك ويحفظك ياابن بطنىنروح لشقة عزيزة
عزيزة كنت فين يا مراد
مراد كنت بدور على شغل واطمنى محدش رضى يشغلنى عنده د زى مايكون اخوكى منبه على الكل
محدش يشغلنى
عزيزة لا اخويا اكبر من كدة عمره ما يشغل نفسه بينا
مراد انا زهقت من القعدة والحوجة ليكى
عزيزة ما قولت ليك تعالى اقعد معايا فى السوبر ماركت انت اللى وش فقر
مراد احترمى نفسك انتى هتنسى نفسك
عزيزة شاورت بايدها وتركته ونزلت تقول انتى بنى ادم معندكش ډم اصلا
منار نوسة اومى عوزة افطر
نوسة صباح الورد يخرببيتك كنت بحلم بابوكى قطعت الحلم
منار يا بختك انا نفسى اشوفه الله يرحمه
نوسة يارب يرحمه هو واموات المسلمين كان بيوصينى عليكى
منار كان نفسى يكون معانا هو وحشنى اوى
نوسة ادعيله الحمد لله سابنا مستورين ولينا بدل السكن شقة وبيت من بابه
منار فكرتينى يا بت عوزة اكلم الاستاذ اشرف نشوف لو هو عاوز فعلأ يشترى الشقة ونحط تمنها فى البنك نصرف من الريع بتاعة
نوسة ربنا يرزقك بمشترى فلوسه جاهزة علشان متتعبيش فى المواصلات
منار ربنا كريم يلا نفطر جوعانة
نوسة تعالى ناكل فى المطبخ ربنا يشفى بنت الدكتور مجدى دراجل عنده ضمير
منار على قولك دمفيش فيزيتا ب 30 جنية دلوقت
نوسة على قولك ابت بقولك عوزين نشترك فى النت
منار صح كلامك علشان شغلى كمان
نوسة هبقى اتكلم مع جارتنا لما اشوفها
منار بلاش الاختلاط يا بطة انتى عارفه احنا هنا لحد ما نولد وبعد كدة هنرجع بيتنا والله نرجس وحشتنى
نوسة فى ايدها فونها بتقلب فية بت يا منار تعالى بصى
منار هاجيب القهوة وجاية اهو
نوسة لا تعالى الاول
منار خدى قهوتك فى ايه ابت
نوسة مش دة الزفت اللى كان متزوجك
منار هاتى كدة ايوة هو شوفى كاتب اية
من الغباء ان تمشى مغمض العينين وراء كلام الناس ومن الظلم ان تصدر حكم على اساس هذا الكلام
نوسة كلام موزون بجد انت بنى ادم منافق
منار بقولك يا بت انا عاوزة ابعت له طلب صداقة ايه رأيك
نوسة بلاش والنبى خلينا فى حالنا
منار هو الاكونت بتاع بابا لسه شغال
نوسة شغال ياقلبى عندك الفون فى الشنطة بتاعتى بس اعرف انتى عوزة ايه منه دراجل سم ربنا يكفينا شره
منار عاوزة افضل على تواصل معاه عاوزة اموت الخۏف اللى جوايا عاوزة افكر نفسى بخيبتى وكسرتى عاوزة وبكت
نوسة انتى مش خايبة انتى انضحك عليكى انت شيئ جميل
هو اللى منه لله هو واخوكى مصطفى دى تصفية حسابات انتى المفروض ملكيش دعوة بيها
منار نصيبى كدة الحمد لله ربنا هيجعل ليه مخرج بقولك انا غيرت اسم الاكونت خليته باسم غدر حياة
نوسة دا اسم كئيب اوى غيريه 
منار مش هينفع الا بعد مرور شهرين
نوسة بعد الشهرين تغيرى اسم الاكونت ده
منار حاضر تصبحى على خير عاوزة انام حاسة انى ديخة
نوسة سلامتك يا قلپى خدى البرشامة دى